«Көркем білім беруді оқыту әдістемесі» – болашақ мұғалімдерді бейнелеу өнерін оқытудың теориялық және практикалық негіздерімен таныстыратын педагогикалық пән. Бұл курс көркемдік білім беру жүйесінің мазмұнын, мақсат-міндеттерін және оқыту әдістерін меңгеруге бағытталған.
Курс барысында студенттер мектепте бейнелеу өнерін оқытудағы заманауи әдістерді, оқыту формаларын, сабақ жоспарлау жолдарын және оқушылардың шығармашылық қабілетін дамыту тәсілдерін үйренеді. Сонымен қатар, пәнаралық байланыстарды қолдану, көркем-эстетикалық тәрбиені жүзеге асыру, оқу үдерісінде инновациялық технологияларды пайдалану мәселелері қарастырылады.
Курстың
негізгі мақсаты:
Болашақ мұғалімдерді көркем білім беру саласында кәсіби қызметке дайындау,
оқушылардың эстетикалық талғамын, шығармашылық ойлауын және көркемдік
қабілеттерін дамытуға бағытталған әдістемелік білім мен дағдыларды
қалыптастыру.
Курстың негізгі міндеттері:
1. көркем білім берудің теориялық негіздерін меңгерту;
2. бейнелеу өнерін оқытудың әдіс-тәсілдерін үйрету;
3. сабақ құрылымын жоспарлау және ұйымдастыру дағдыларын қалыптастыру;
4. оқушылардың шығармашылық белсенділігін дамыту жолдарын көрсету;
5. көркем-эстетикалық тәрбиенің маңызын түсіндіру.